КмҚК «ШҚО ББ Өскемен қаласы бойынша білім бөліміне қарасты №8 «Мирас» бөбекжай-балабақшасы» Дүниежүзілік аутизм туралы ақпарат тарату күніне арналған іс-шара өткізді.
Іс-шараның мақсаты — аутизм спектрінің бұзылыстары (АСБ) туралы ақпараттандыру деңгейін арттыру, аутизмі бар адамдар мен олардың отбасыларына қолдау көрсету. Бұл күннің символы — көк түс, ал «Көк түспен жарқыра» акциясы бүкіл әлемдегі адамдарды біріктіреді.
Іс-шаралар аутизмі бар адамдар қоғамның ажырамас бөлігі екенін түсінуге бағытталған. Олар тең мүмкіндіктерге лайық, сондықтан мұндай бастамалар стереотиптерді жоюға, инклюзияны дамытуға және әр адам өзін қабылданған әрі қауіпсіз сезінетін орта құруға үлгі болады.
preview